Nakatakdang siyasatin sa senado ang mga kaso ng umano’y bukas bagahe o ang mga insidente ng nakawan sa mga bahage ng mga pasahero sa mga paliparan sa bansa.
Sa ihinahing resolusyon ni Senate Committee on Public Services Grace Poe, kanyang iginiit na mahalagang maimbestigahan ang nasabing mga kaso ng pagnanakaw sa mga bagahe para na rin sa kaligtasan at seguridad ng mga pasahero.
Binigyang diin pa ng senadora, maituturing na malaking banta sa seguridad ang mga nasabing insidente dahil posible itong makaapekto sa tiwala ng mga turista at negosyante sa bansa.
Binanggit din ni Poe na bagama’t kinansela na ang kontrata ng airport ground handler na Miascor Aviation Services, patuloy pa rin ang mga report ng umano’y nakawan sa mga bagahe ng mag pasahero sa Ninoy Aquino International Airport.
