Patay ang di umano’y kanang kamay ng drug suspect na si Kerwin Espinosa matapos itong pagbabarilin sa Ormoc City.
Batay sa ulat ng pulisya sa Ormoc, nakikipag-inuman sa tapat ng kanyang tindahan sa Ormoc City si Joel Aberilla nang biglang pagbabarilin ito ng mga lalakeng sakay ng isang kotseng walang plaka.
Nakatakbo pa di umano si Aberilla subalit hinabol at pinagbabaril pa rin siya hanggang sa mamatay.
Tinitignan na ng PNP Ormoc kung may kinalaman sa droga ang insidente dahil kilala di umanong kanang kamay ni Espinosa ang napaslang.
—-
