Tiwala ang kampo ni Vice President Jejomar Binay na mababasura ang kasong plunder laban dito.
Kasunod na rin ito ng rekomendasyon ng Senate Blue Ribbon Sub Committee na sampahan ng plunder si Binay gayundin ang anak na si Makati City Mayor Junjun Binay at ilan pang indibiduwal kaugnay sa umano’y maanomalyang konstruksyon ng Makati City Hall 2.
Sinabi ni Atty. Rico Quicho, Political Spokesperson ni Binay na hindi na nagulat ang kampo ng Bise Presidente sa pilit na pagpapabagsak ng ilang pulitiko sa pangalan ng mga Binay.
Wala pang isang linggo matapos ilabas ang rekomendasyon ay nilagdaan na ito ng mayorya ng mga miyembro ng Sub-Committee.
By Judith Larino