Jona Viray humiling ng dasal para sa amang nasa ICU

Humihiling ng dasal ang singer na si Jona Viray para sa agarang paggaling ng kanyang amang nasa ICU ngayon.

Sa Instagram account ni Jona, nag-post ito ng larawan niya habang nasa ospital, naka-face mask at naka-hospital gown.

Mababasa sa caption ng singer ang pag-alala niya sa kanyang ama.

Aniya, higit isang buwan nang nasa ospital ang kanyang ama para sa pagpapagamot sa fungal infection sa ulo nito.

Dagdag pa niya, nasa ICU ngayon ang kanyang ama matapos na ma-stroke.

Ikinuwento din ni Jona na simula pa noong Biyernes, Oktubre 13, ay tulog lamang ito ng tulog at hirap nang magsalita.

Ngunit, aniya, noong Sabado, Oktubre 14, ay hindi na ito nagre-respond.

Hello everyone, I am asking for your prayer support for my father… More than a month na po kasi siya nakaadmit sa hospital dahil sa medication para sa fungal infection sa ulo niya at ngayon lang po na ICU siya due to stroke… Since kahapon tulog na lang siya ng tulog, hirap na magsalita, sumagot sa mga tanong at mga command. Pero ngayon hindi po talaga siya nagrerepond… Pls pray for my father’s quick recovery and for our family.. Maraming salamat po.

A post shared by JONA (@jona_viray) on Oct 14, 2017 at 3:22am PDT

Maagang naghiwalay ang mga magulang ni Jona at ang kanyang ama na ang nag-alaga sa kanilang magkakapatid.

Sa ngayon, si Jona na ang breadwinner ng kanilang pamilya.

______

Comments

comments