Inaasahang darating sa bansa bukas, January 12 si Japanese Prime Minister Shinzo Abe.
Kaugnay ito sa dalawang araw na state visit ni Abe na tumugon sa imbitasyon ng Pangulong Rodrigo Duterte na una nang bumiyahe sa Japan noong October 2016.
Kabilang sa agenda ng dalawang lider ayon kay Presidential Spokesman Ernesto Abella ang hinggil sa regional issues, pagnenegosyo at counter terrorism.
Sinabi ni Abella na tutungo sa Davao City si Abe para makipagpulong sa business leaders doon kasabay ang kagustuhang makita ang tahanan ng Pangulong Duterte.
By Judith Larino | Report from: Aileen Taliping (Patrol 23)
