Si Jake Ejercito ang ama ng anak ko.
Ito ang pahayag ng aktres na si Andi Eigenmann.
Paliwanag ni Andi, ito ay dahil si Jake aniya ang nariyan sa kanyang tabi mula nang ipinagbubuntis pa lamang ang anak na si Ellie.
Sinabi pa ni Andi na itinuturing din ni Jake na sariling anak si Ellie.
Matatandaang noong Agosto, sinabi ng aktor na si Albie Casiño na napanatag ang kanyang kalooban at nagnegatibo ang DNA test na nangangahulugang hindi siya ang ama ng anak ni Andi.
Buwelta naman ni Andi, wala namang naganap na DNA test at wala naman silang hinihinging kahit ano sa kampo ni Albie kaya’t masakit ito para sa kanila lalo na sa kanyang anak.
Hanggang ngayon nagmamatigas pa rin si Andi na sabihin kung sino ang ama ng kanyang anak sa dahilang hindi naman ito importante sa ibang tao at ipaubaya na lang aniya ito sa kanilang pamilya.
By Ralph Obina
