Papalo na sa P275 million ang jackpot prize sa Grand Lotto 6/55 ngayong araw.
Ayon sa Philippine Charity Sweepstakes Office (PCSO), walang nakahula sa winning combination ng Grand Lotto 6/55 na 22-51-41-31-16-39 na binola noong Sabado ng gabi na may premyong katumbas sana ng P265, 279, 398.
Sa kabila nito, sampu ang nagwagi sa second prize na mayroong tig P100, 000 makaraang mahulaan ang tig-limang tamang numero; 1, 296 naman ang nakasungkit ng tig P1,500 para naman sa apat na tamang numero; at 34,227 naman ang nakakuha ng balik-taya na tig P60 para naman sa tatlong numero.
Ang Grand Lotto 6/55 ay binobola tuwing Lunes, Miyerkules at Sabado.
