Apektado pa rin ng Inter Tropical Convergence Zone o ITCZ ang Visayas at Mindanao.
Ang ITCZ ang lugar kung saan nagpapang-abot ang mainit at malamig na hangin na lumilikha ng ulap na nagdadala ng mga pag-ulan.
Dahil dito maulap na kalangitan na may mahina hanggang sa katamtamang pag-ulan at pulo-pulong pagkulog pagkidlat ang mararanasan sa kanlurang Kabisayaan, Caraga, hilagang Mindanao, Zamboanga Peninsula at Davao Region.
Bahagyang maulap hanggang sa maulap na papawirin na may pulo-pulong pag-ulan ang iiral sa Metro Manila at nalalabing bahagi ng ating bansa.
Ang mga baybayin sa buong bansa ay magiging banayad hanggang sa katamtaman ang mga pag-alon.
By Mariboy Ysibido
