Ligtas na natagpuan ang isang pari na una nang naiulat na nawawala sa Cavite noong Sabado.
Hindi tinukoy ang pagkakakilanlan ng pari na nakitang nakatali ang mga kamay sa loob ng isang sasakyan sa Barangay Lumil, bayan ng Silang.
Ayon kay Silang police chief Lt. Col. Juan Peñafiel Oruga, Jr., ang biktima na nasa “state of shock” pa rin ay parish priest ng isang simbahan sa bayan ng Rosario.
Iniimbestigahan pa rin ng mga awtoridad ang naturang insidente.
