Pitong miyembro ng isang pamilya sa Cagayan De Oro ang nagpositibo sa delta variant.
Kinumpirma ito ni Mayor Oscar Moreno, kung saan ang pinakamatanda sa pamilya ay isang 62 taong gulang habang ang pinakabata naman ay isang 11 buwang sanggol.
Napag-alamang nagdaos ng birthday party ang pamilya mula sa Barangay balulang.
Noong Hulyo 15 nang makarekober ang pamilya sa sakit at nakauwi sa kanilang tahanan.
Ngunit ipinag-utos ng Alkalde na ibalik sa temporary treatment and monitoring facility ang pamilya para sa pretesting at upang muling ma-obserbahan.
Maliban sa pamilya ay mayroon pang isang kaso ng delta variant sa Barangay Canitoan kung kaya’t umabot na sa 13 ang kaso ng delta variant sa Cagayan De Oro.—sa panulat ni Hya Ludivico
