Malagim ang sinapit ng isang motorcycle rider makaraang makaladkad ng trailer truck na ikinasawi nito sa bayan ng Alicia sa lalawigan ng Isabela.
Ayon sa Alicia Municipal Police, nakilala ang biktima na si Agelito Mapalo, 43 taong gulang.
Sa imbestigasyon, parehong tinatahak ng truck at motorsiklo ang national highway sa Barangay Paddad nang sumabit ang motor sa tapalodo ng trailer truck kaya’t nakaladkad ito ng ilang metro.
Naisugod pa sa ospital ang biktima ngunit idineklara ring dead on arrival.
Nakakulong na ngayon ang truck driver at nakatakdang sampahan ng kaukulang kaso.
