Patay ang isang hinihinalang miyembro ng Abu Sayyaf Group matapos maka-engkwentro ang tropa ng pamahalaan sa Talipao, Sulu.
Ayon kay Western Mindanao Command Spokesperson Major Arvin Encinas, 20 minutong nagkasagupaan ang mga sundalo at humigit kumulang 30 hinihinalang miyembro ng Abu Sayyaf sa kagubatang bahagi ng Talipao bago nakita ang bangkay ng suspek.
Kasabay nito, isang babaeng miyembro ng Abu Sayyaf ang naaresto rin ng militar.
Kinilala ito na si Nursaina Jarad Sahi na kasalukuyang ginagamot sa Camp Bautista Station Hospital matapos namang tamaan ng shrapnel bunsod ng engkwentro.
Samantala, nasabat naman ng militar sa lugar ng engkuwntro ang isang m16 rifle at isang galil rifle na parehong may m203 grenade launcher.
