Arestado ang isang suspek sa Cavite matapos magpanggap na sundalo at mang-scam sa mga biktima nito ng P40 milyon.
Ayon kay Police Captain Noel Seno ng Criminal Investigation and Detection Group (CIDG) sa Cavite, kinilala ang suspek na si Crisanto Galicia Rodriguez.
Naaresto ito sa pamamagitan ng entrapment operation matapos tanggapin ang P75,000 na halaga ng pera.
Paliwanag ni Seno, nagpakita ng id si Rodriguez na may ranggong captain sa AFP.
Pero nalamang peke ang impormasyon nang magsagawa na ng beripikasyon ang CIDG.
Nahaharap ngayon ang suspek sa kasong estafa at usurpation of authority cases. —sa panulat ni Abby Malanday