Nawawala ang “Iron Man sIzuit” na ginamit ni Robert Downey Jr., sa Iron Man movie nito noong 2008.
Sa ulat ng Los Angeles Police, hindi matagpuan ang Iron Man suit na may kulay na kombinasyong gold at red na nagkakahalaga ng 325 thousand dollars o ang katumbas ng mahigit 16 million pesos sa Pilipinas.
Batay sa pagtaya ng mga awtoridad, posibleng nawala ang suit sa storage facility sa pagitang ng Pebrero at Abril 25 ngayong taon.
Nakatago ang suit sa storage warehouse sa Pacoima sa Los Angeles.
Nagsasagawa na ng imbestigasyon ang Los Angeles police district matapos ang pagkakadiskubre sa ninakaw na kasuotan.
