Tuluyan nang na-ideport ang dalawang Indian national na pinaghihinalaang miyembro ng teroristang grupo na Khalistan Tiger Force.
Kinilala ang mga suspek na sina Hayer Amriptal Singh at Amrikh Singh na dinala sa NAIA Terminal 1 ng mga ahente ng CICC at Bureau of Immigration.
Sa kabila nito ay nagtangka pang tumakas si Hayer Singh na nagdulot ng kaguluhan sa departure area ng NAIA, ayon sa Cybercrime Investigation and Coordinating Center Executive Director Alexander Ramos.
Nahuli naman kaagad ang suspek matapos itong tumalon sa hagdanan ng departure area at lumagapak sa arrival area ng paliparan.
Nahaharap ang mga suspek sa mga kasong murder, paglabag sa Explosive Substances Act 2001 at Unlawful Activities Prevention Act 1967 ng India.
