Asahan na ang paglakas at paglawak ng impluwensya ng Russia, Turkey at Iran sa Syria.
Ito’y makaraang selyuhan nina Presidents Vladimir Putin ng Russia, Recep Erdogan ng Turkey at Hassan Rouhani ng Iran ang kanilang alyansa na sinasabing tatapos sa pitong taong Syrian civil war.
Tiniyak ng tatlong Pangulo ang tulong sa Syria mula sa rehabilitasyon ng mga nasirang lungsod, lalawigan hanggang sa usapang pang-kapayapaan.
Poprotektahan din umano ng alyansa ang “territorial integrity” ng Syria kahit may presensya ng Russian, Turkish at Iranian Forces sa loob ng nasabing bansa.
Dahil dito, nanganganib makabanggaan ng binuong alyansa ang puwersa ng Estados Unidos na mayroon ding military presence sa Syria.
—-
