Tiniyak ni Pangulong Rodrigo Duterte kay Vice President Leni Robredo na hindi nito papayagang gumulong ang impeachment complaint laban sa kaniya.
Ito ang inihayag ni Robredo sa isang ambush interview sa kaniya matapos dumalo sa graduation rites ng St. Paul University sa Quezon City kahapon.
Ayon sa BIse Presidente, ginawa ng Pangulo ang pahayag nang magkasalubong sila sa graduation ceremonies ng PNPA Masidlak class of 2017 sa Silang, Cavite nuong isang linggo.
Kuwento pa ni Robredo, sinabi sa kaniya ng Pangulo na ituon na lamang ang kanilang atensyon sa trabaho lalo’t wala pa naman silang isang taon sa puwesto.
Nagpasalamat naman si Robredo sa Pangulo sabay paggigiit na wala rin siyang kinalaman sa isinampang impeachment complaint laban sa punong ehekutibo.
By: Jaymark Dagala
