Nasunog ang ilang tindahan sa Cartimar Market sa Pasay City, kagabi.
Ayon sa Bureau of Fire Protection, pasado ala-7 kagabi nang sumiklab ang apoy sa anim na unit sa ikalawang palapag ng gusali sa Luna Street, Barangay 38.
Umabot sa ikalawang alarma ang sunog bago tuluyang naapula pasado alas-9.
Tinatayang kalahating milyong pisong halaga ng mga paninda at kagamitan ang natupok.
Wala namang nasaktan sa insidente habang inaalam na ang sanhi ng pagkalat ng apoy. —sa panulat ni Drew Nacino
