Sinimulan na ng ilang residente ng isang liblib na barangay sa bayan ng Mlang, North Cotabato na armasan ang kanilang sarili laban sa posibleng pag-atake muli ng Bangsamoro Islamic Freedom Fighters o BIFF.
Karamihan sa mga residente ay ilonggo na matagal ng naninirahan sa Barangay Tibao.
Gayunman, nilinaw ni Barangay Tibao Chairman Armado Tongcua na hindi sila miyembro ng ilaga, ang pro-government paramilitary group na binuo noong dekada sitenta laban sa mga rebeldeng Moro.
Nais lamang anya nilang protektahan ang kanilang sarili at pamilya mula sa pag-atake ng BIFF sa mga kalapit bayan ng Kabacan, North Cotabato.
Magugunita noong bisperas ng pasko hanggang Disyembre 26 nang mamaril ng mga sibilyan ang bandidong grupo kung saan karamihan ng mga napaslang ay sibilyan.
By: Drew Nacino
