Naglabas ng abiso ang PAGASA hinggil sa posibleng pagbaha sa ilang lugar sa Visayas at Mindanao bunsod ng ulang dala ng bagyong Auring.
Batay sa general flood advisory ng PAGASA, pinag-iingat ang mga residenteng nakatira malapit sa mga ilog sa Northern Samar, Leyte, Southern Leyte, Biliran, Eastern Samar at Samar.
Gayundin sa mga lalawigan ng Misamis Occidental, Lanao Del Norte, Camiguin, Bukidnon, Misamis Oriental, Davao Del Norte, Davao Del Sur, Davao Oriental, Davao Occidental at Davao De Oro.
May posibilidad ding umapaw ang ilog sa mga lalawigan ng Agusan Del Sur, Dinagat Islands, Surgao Del Norte, Agusan Del Norte at Surigao Del Sur.
Ayon sa PAGASA, inaasahan ang mahina hanggang sa katamtamang lakas ng ulan at thunderstorms sa mga nabanggit na lalawigan.
