Dahil sa pagpalya ng isang planta at problema sa transmission line sa Luzon grid, nakaranas ng brownout ang ilang lugar.
Unang nagkaroon ng brownout sa Meralco Franchise Area sanhi ng pag-trip off ng transmission line na Pagbilao-Tayabas kaya’t hindi nakadaloy ang kuryente mula sa Pagbilao Power Plant sa lalawigan ng Quezon.
Batay sa anunsiyo ng National Grid Corporation of the Philippines o NGCP, yellow alert pa rin o mababa ang reserba hanggang alas-8:00 ng gabi nitong Biyernes.
Payo naman ni manila Electric Company o MERALCO Spokesman Joe Zaldarriaga sa mga konsyumer, mahalagang magpatupad sa sariling tahanan ng energy efficiency initiative dahil sa manipis na reserba ng kuryente.
—-