Kanselado ang ilang biyahe ng eroplano dahil sa sama ng panahon.
Nag-abiso ang Manila International Airport Authority o MIAA na kinansela ang biyahe ng CebGo flights DG 6111 o Manila – Naga at flight 6112 o Naga-Manila.
Samantala, sinuspindi na rin ng pamahalaang lokal ng Naga City ang klase sa lahat ng antas ngayong araw na ito.
Agad nag-abiso ang Tanggapan ni Mayor John Bongat matapos makaranas ng malakas na pag-ulan ang syudad mula pa kagabi na nagresulta na sa mga pagbaha.
—-
