Tila hindi maubos-ubos ang mga nakukumpiskang kontrabando sa loob ng New Bilibid Prisons (NBP).
Sa ika-labing isang Oplan Galugad na isinagawa ngayong araw, samu’t saring mga ipinagbabawal na bagay pa rin ang nakuha ng mga operatiba ng Bureau of Corrections.
Kabilang na rito ang mga sex toys, pornographic DVD’s, cellphones, aircon units, refrigirator, water dispenser at matatalas na bagay.
Ginawa sa fourth quadrant ng Bilibid o sa Building 2, 5 at 8 na may tinatayang 3,000 preso ang nakakulong.
Nabuking pa ng mga operatiba ng BuCor sa isang nakumpiskang cellphone ang text message na nagtitimbre sa mga preso ng gagawing operasyon.
By Jaymark Dagala
