Itulak naman ang hustisya para sa mga nasawing SAF 44.
Ito ang apela ni Roselle nacino, biyuda ni PO2 Nicki Nacino, isa sa mga nasawing miyembro ng SAF 44 sa Pangulong Noynoy Aquino matapos isulong ng Pangulo ang pagpasa sa Bangsamoro Basic Law at Freedom of Information Bill.
Sa panayam ng DWIZ, hindi naitago ni Roselle ang sama nito ng loob sa Pangulo dahil sa hindi man lamang nabigyan ng pagpapahalaga ang sakripisyo ng mga nasawing SAF 44.
Kaugnay nito, ibinulalas ni Roselle na marami pa rin sa mga ipinangako ng administrasyon ang hindi pa naibibigay, gaya ng pabahay at medal of valor.
“Sana po imbes na ‘yun ang intindihan nila, unahin po muna nila ‘yung justice, yung mga naka-survive kawawa din po, ginawa lang po nila ang trabaho nila, pero parang wala lang.” Ani Roselle.
By Ralph Obina | Karambola
Photo Credit: wheninmanila
