Nagkaroon ng komosyon sa bahagi ng Virra Mall sa Greenhills, San Juan.
PANOORIN: Shooting incident sa Virra Mall sa San Juan City | via @jaymarkdagala pic.twitter.com/fYVTS3IDRV
— DWIZ Newscenter (@dwiz882) March 2, 2020
Rumesponde ang mga otoridad matapos mapaulat ang pagkakaroon ng mga armadong kalalakihan sa loob ng Virra Mall.
Nakarinig umano ng putok ng baril sa nasabing lugar na kaagad na rin naman kinordon.
Kinumpirma naman ni San Juan City Mayor Francis Zamora na lumalabas sa paunang report ng San Juan Police, isang security guard na dating nagtatrabaho sa mall ang armado ng armas at granada.
Sinasabing tinanggal sa trabaho ang naturang security guard na mayroon umanong hawak na hostage na 22 katao. —ulat mula kay Jaymark Dagala (Patrol 9)
