Nanganganib na maapektuhan ang may 100,000 mangingisda sa inaasahang pagtama ng El Niño sa sektor ng agrikultura.
Sa panayam ng DWIZ kay Bureau of Fisheries and Aquatic Resources (BFAR) Executive Director Asis Perez, ngayong buwan magsisimulang ang pagtindi ng epekto ng El Niño sa sektor ng pangisdaan.
Dahil dito, tiniyak ni Perez na tuloy-tuloy ang kanilang mga hakbang upang maibsan ang epekto ng El Niño sa mga mangingisda.
Una rito, ibinabala ng BFAR na nasa 20 porsyento ng suplay ng isda sa bansa ang nanganganib na mawala dahil sa matinding tagtuyot.
“Ang effort natin ngayon ay doon po dapat maglagay halimbawa ng isda sa dagat na mismo, doon na po mag-alaga ng bangus at iba pa pong klase ng isda para po hindi sila maapektuhan kung sakali man matuyo ang fresh water, kasabay po nun nagkakaroon po tayo ng seeding sa mga isda sa mga open areas, kasi po ang mga lawa ay hindi po talaga yan matutuyo, at yung mga tinatawag na water impounding areas para kung talaga pong maapektuhan ang mga fish pond meron pa rin pong mahuhuli sa mga open area.” Pahayag ni Perez.
By Ralph Obina | Ratsada Balita