132 health workers sa Cebu City ang nahawa ng COVID-19.
Ayon kay Cebu City Emergency Operations Center Implementor at Councilor Joel Garganera, naka-assign ang mga health worker sa 31 ospital, klinika, laboratory at iba pang medical facility.
Bagaman pawang mga medical frontliner, naniniwala anya silang hindi nangyari sa trabaho ang hawaan sa halip ay maaaring naipasa sa kanila ang sakit ng mga taong nakasalamuha lamang sa daan.
Napag-alaman ding bakunado na ang mga nawahang health worker kaya’t hindi malala ang kanilang nararanasang sintomas ng COVID-19.—sa panulat ni Drew Nacino
