Inaasahan na bahagyang muling lalakas ang hanging amihan na posibleng makaapekto sa buong bahagi ng northern Luzon.
Magkakaroon ng katamtamang maulap na kalangitan na may isolated light rains ang bahagi ng Ilocos Region, Cordillera Administrative Region (CAR) pati narin sa Cagayan Valley bunsod ng northeast moonsoon o hanging amihan.
Magiging maalinsangan naman ang panahon sa Metro Manila at nalalabing bahagi pa ng Luzon kung saan, magiging mas mainit sa tanghali pero posible namang ulanin sa hapon hanggang sa gabi dulot ng mga localized thunder storm.
Makakaranas naman ng maulap na kalangitan na may kalat-kalat na mahihina hanggang sa katamtamang mga pag-ulan sa Eastern Visayas, Caraga at ilang bahagi ng Davao Region sa Mindanao dahil parin sa epekto ng easterlies.
Agwat ng temperatura sa Metro Manila ay maglalaro sa 23°C hanggang 32°C habang sisikat naman ang haring araw mamayang 6:22 ng umaga at lulubog naman ito mamayang 5:58 ng hapon. —sa panulat ni Angelica Doctolero