Nanganganib na masibak ang halos dalawang daang (200) tauhan ng Philippine National Police (PNP) na kumpirmadong gumagamit ng ipinagbabawal na gamot.
Ayon kay Crime Laboratory Director Chief Supt. Aurelio Trampe Jr., kabilang sa mga nagpositibo sa confirmatory drug test ay ang 188 na pulis at pitong sibilyang empleyado ng PNP.
Sa mga nagpositibo sa confirmatory drug test, pinakamaraming pulis ang may ranggo na PO1 at ang pinakamataas na ranggo ay Chief Inspector.
Pinakamaraming kawani ng pulisya ang kumpirmadong gumagamit ng iligal na gamot sa NCR at CALABARZON.
By Katrina Valle | Jonathan Andal (Patrol 31)
