Umabot na sa halos 20 estudyante ang naospital matapos kumain ng hinihinalang peke o expired na siopao sa magkakahiwalay na bayan sa North Cotabato.
Karamihan sa mga biktima ay Grade 5 student sa Dualing Central Elementary School sa Barangay Dualing, Aleosan na nakaranas ng pagkahilo, pagsusuka at pagtatae.
Ayon kay Dualing Central Elementary School Principal Joel Calambro, binili ng mga mag-aaral ang siopao sa harap ng kanilang paaralan.
Kasalukuyang nasa Aleosan District Hospital ang mga biktima habang inaalam na ng mga otoridad ang nilalaman ng siopao at iniimbestigahan na rin kung saan nagmula ang mga naturang produkto.
By Drew Nacino
