Nagbabala ang Globe laban sa scammers na target ang G Music Fest na isa sa mga malalaki at pangunahing events ngayong weekend bilang bahagi ng 917 G day celebration.
Sa social media, ipinabatid ng Globe na mayruong mga kaduda-dudang account ang nagbebenta ng passes sa G Music Fest 2023 na nakatakda bukas, September 16.
Sinabi ni Jerome Patalud, Head ng Globe Rewards na dapat mag ingat ang publiko sa mga ganitong patibong para makakuha ng mga sensitibong impormasyon ang mga kriminal kaya naman dapat bumili ng ticket sa tixlive via www.tixlive.com.ph/gmusicfest, official channel ng G Music Fest.
Ang G Music Fest ng Globe ay gaganapin sa Ayala Circuit Makati Open Grounds kung saan ipapakita ang galing ng mga Pilipino.
