Inamin ng Pambansang Pulisya na nakakaikot ang mga bandidong Abu Sayyaf sa iba’t ibang lugar sa bansa at hindi malabong makapasok ito sa Metro Manila.
Ito ang pahayag ni Philippine National Police (PNP) Chief Director General Ronald ‘Bato’ dela Rosa makaraang kumpirmahin ang galaw ng mga bandido mula Mindanao patungong Visayas.
Bahagi ng pahayag ni PNP Chief Ronald Dela Rosa
Una rito, iniulat ni Senior Superintendent Manolo Ozaeta, pinuno ng PNP Anti-Kidnapping Group sa isinagawang command conference sa Kampo Crame na tumawid na ang mga bandido sa Cebu mula sa Zamboanga at dumaan sa Negros Oriental.
Gayunman sinabi ni Ozaeta na hindi nagtagal sa Cebu ang mga bandido at bumalik din sa Zamboanga.
By Jaymark Dagala
