Kontrolado na ang malaking forest fire sa Mount Apo na nagsimula noong sabado ng hapon.
Ayon kay city tourism officer Joey Recemilla, hindi bababa sa 200 volunteers ang kanilang ipinakalat sa base camp ng Lake Venado at sa paanan ng bundok apo para hindi na kumalat pa ang forest fire sa Kidapawan-magpet-makilala eco-tourism triangle.
Sinabi ni Recemilla na armado ang mga volunteer ng itak at chainsaw para sa isinasagawang clearing operations sa lugar.
Magtatayo rin aniya ang mga ito ng buffer line para hindi kumalat ang sunog sakaling maulit ang insidente.
By: Meann Tanbio
