Nagbigay ng halos dalawang (2) bilyong yen o halos isang (1) bilyong piso ang Japanese government sa Pilipinas.
Ito’y bilang tulong sa pagpapaganda at pagsasaayos ng mga drug rehabilitation centers gayundin ang pagpapaigting ng treatment protocols sa mga drug dependents.
Kahapon, kapwa lumagda sa isang kasunduan sina Health Secretary Paulyn Jean Ubial gayundin si JICA o Japan International Cooperation Agency Chief Representative Susumo Ito sa ilalim ng consolidated rehabilitation on illegal drug users program.
Sa kasalukuyan, mayroong apatnapu’t apat (44) na accredited treatment and rehabilitation centers ang DOH para sa mga lulong sa ipinagbabawal na gamot sa bansa.
By Jaymark Dagala