Nagbabala sa publiko ang FDA o Food and Drug Administration laban sa pagbili ng dalawang hindi rehistradong brand ng pamahid sa katawan o herbal pain relieving liniment.
Giit ng FDA, ang Ariben Oil Premium Liniment at V-Moringa superior Pain Relieving Herb Cream ay hindi dumaan sa kanilang pagsusuri.
Sa isinagawang post-marketing surveillance, natuklasang hindi rehistrado ang dalawang nabanggit na produkto na parehong gawang Pinoy mula sa Davao City at sinasabing ibinebenta sa iba’t ibang probinsya sa bansa.
Batay sa Food and Drug Administration Act of 2009, mahigpit na ipinagbabawal ang pagbe-benta ng mga produktong walang certificate of registration dahil hindi tiyak kung ligtas gamitin ang mga ito.
