Gumagaling na ang injury sa paa ni San Miguel Center June Mar Fajardo na natamo niya noong Pebrero ng taong kasalukuyan.
Katunayan, ayon kay Fajardo, inaasahang makakalakad na siya sa susunod na buwan nang walang crutches o saklay.
Matatandaang nagka-injury sa paa si Fajardo habang nagpa-practice kasama ang team noong Pebrero 3 at makaraan ang isang araw ay inoperahan siya.
Inaasahan naman na hindi na siya makakalaro sa buong season ng PBA na pansamantalang itinigil dahil sa coronavirus pandemic.
