Hiniling ni Senador Christopher “Bong” Go na isama sa vaccination priority list ang examiners ng Philippine Regulation Commission (PRC).
Ayon kay Go, maituturing rin na essential workers ang mga miyembro ng PRC na nagsasagawa ng professional board exams.
Dagdag pa ni Go, makapagtatrabaho ng maayos ang mga kawani ng PRC kung protektado ito at nabakunahan kontra coronavirus disease 2019 (COVID-19).
Aniya, nakipag-ugnayan na ito kay Health Secretary Francisco Duque III at vaccine czar Carlito Galvez Jr. kasunod nang pangamba sa quarantine restriction na ipinapatupad sa iba’t ibang bahagi ng bansa.
Dahil dito, minabuti nila na iurong ang nursing licensure exams mula sa ika-30 at ika-31 ng Mayo ay gagawin na ito sa ika-21 at ika-22 ng Nobyembre.
Magugunitang noong Marso nakapagtala ng 52 kaso ng COVID-19 sa mga tanggapan ng PRC at isang miyembro ng Board of Medical Technology ang nasawi. —sa panulat ni Rashid Locsin
