Ex-PBA player Paul Alvarez matapos maaktuhang gumagamit ng iligal na droga: ‘Na-set up lang ako’

Iginiit ngayon ni dating PBA player Paul Alvarez na na-set up lang siya matapos siyang mahuli ng mga pulis sa umano’y shabu pot session sa Barangay Sikatuna, Quezon city kagabi.

Itinanggi ni Alvarez na gumagamit siya ng iligal na droga at na-set up lang siya ng dalawa niyang kasamahan na sina Ray Allan Cruz at Mohammad Dana.

Aminado si Alvarez na nasangkot siya sa iligal na droga noong 2011, pero nagbago na aniya siya ngayon.

Nakuha ng mga awtoridad mula sa tatlong suspek ang limang sachet ng hinihinalang shabu na aabot sa sampung libong piso ang halaga.

By Meann Tanbio

Comments

comments