Isa na rin ang sexy actress at komedyanteng si Ethel Booba sa dumaraming listahan ng mga celebrity na book authors na rin.
Sa kanyang Twitter post ay masayang inanunsyo ni Ethel na malapit na niyang ilabas ang librong “#Charotism: The Wit and Wisdom of Ethel Booba.”
Aniya lalamanin ng libro ang iba’t ibang isyu kaugnay sa love, pamilya, pulitika at kahit feng shui.
Kilala si Ethel sa kanyang mga nakakatawang tweets na siyang nag-udyok sa kanya para gumawa ng libro.
Kamakailan lang ay naglabas din ang TV host at komedyanteng si Vice Ganda ng kanyang libro na President Vice: Ang Bagong Panggulo ng Pilipinas.
Ilan pa sa mga sikat na personalidad sa bansa na nag-release na ng kanilang mga libro ay sina Senator Miriam Defensor Santiago,Boy Abunda, Ramon Bautista, Kathryn Bernardo, Judy Ann Santos, Alex Gonzaga, Miriam Quiambao, Georgina Wilson at Solenn Heussaff.