Inihayag ng Metro Rail Transit line 3 (MRT-3) Management na mananatiling bukas ang operasyon ng EDSA Bus Carousel sa panahon ng Mahal na Araw.
Ito ay kasabay ng taunang pagpapatupad ng Holy Week maintenance shutdown na magsisimula sa Abril a-13 hanggang a-17.
Ayon sa pamunuan ng MRT-3, maaring gamitin ng mga pasahero bilang alternatibong transportasyon ang EDSA Bus Carousel ngayong holy week.
Magsisimula ang operasyon EDSA Bus Carousel mula alas-4 ng umaga hanggang alas-11 ng gabi kung saan, naglagay ng pick-up at drop off points sa anim na istasyon ng MRT-3.
Kabilang sa mga istasyon ay ang North Ave., Quezon Ave., Santolan, Ortigas, Guadalupe at Buendia. —sa panulat ni Angelica Doctolero
