Nasa Beijing, China na si Pangulong Rodrigo Duterte para sa apat na araw nitong official visit.
Pasado alas 11:11 kagabi, Miyerkules nang lumapag sa Beijing ang sinasakyang eroplano ng pangulo kasama ang delegasyon nito.
Nakatakda naman ngayong araw ang bilateral meeting nina Pangulong Duterte at Chinese President Xi Jinping kung saan inaasahang matatalakay ang usapin sa pinag-aagawang teritoryo sa West Philippine Sea.
Una nang sinabi ni Presidential Spokesperson Salvador Panelo na igigiit ni Pangulong Duterte kay Xi ang ruling ng Permanent Court of Arbitration na pumapabor sa Pilipinas.
Bukas naman ang inaaasahang pulong ng pangulo kay Chinese Premier Li Keqiang bago manood ng opening ceremony ng 2019 Fiba World Cup, kinagabihan.
Nakatakda ring panoorin ni Pangulong Duterte ang unang laban ng Gilas Pilipinas sa Fiba kontra sa koponan ng Italy na gaganapin sa Foshan, Guangdong Province sa Sabado, Agosto 31.