Umaasa ang Duterte Administration na madagdagan pa ang magsasagawa ng face to face classes para sa papasok namang School Year.
Ipinabatid ni NTF Against COVID-19 Deputy Chief Implementer Secretary Vince Dizon, sa susunod na administrasyon na ang pagpupursige para madagdagan ang mga paaralan sa pagsasagawa ng in person classes.
Nakatakda sa Agosto ang School Year 2022-2023 na papatak na sa ilalim ng bagong administrasyon.
Ani Dizon, sana lang ay maisulong ng papasok na pamahalaan na mapataas pa ang bilang ng mga nagsasagawa ng klase sa mga paaralan lalo na sa hanay ng mga pribadong paaralan.
