Hindi sang-ayon ang Department of Trade and Industry (DTI) na luwagan ang quarantine restriction sa National Capital Region (NCR) at mga karatig lalawigan sa susunod na buwan.
Sinabi ni Trade Secretary Ramon Lopez, kailangan manatili sa General Community Quarantine (GCQ) ang Metro Manila dahil sa banta ng COVID-19.
Ayon kay Lopez, hindi pa napapanahon para ilagay sa Modified GCQ ang NCR dahil sa Delta variant ng COVID-19.
Dagdag ni Lopez, umuusad pa rin naman ang takbo ng ekonomiya kung saan pinapayagan naman ang lahat ng essential at non-essential worker na bumalik sa trabaho.
Aniya, kailangan muna rin pag-aralan ang dagdag kapasidad sa mga establisyimento upang maiwasan ang pagtaas ng kaso ng COVID-19 sa bansa.
