Hindi pa ikinukunsidera ng Department of Trade and Industry (DTI) ang pagpapatupad ng price freeze sa basic commodities sa kabila ng patuloy na pagsirit ng presyo ng produktong petrolyo.
Sinabi ni DTI Assistant Secretary Ann Cabochan, na mayroong mga mekanismo sa price act hinggil dito, kabilang na ang pagdedeklara ng state of emergency.
Tiniyak naman nito na patuloy nilang minomonitor ang sitwasyon upang malaman kung dapat nang magdeklara ng price freeze.
Binigyang diin pa ni Cabochan na sakaling magpatupad ng price freeze ay tanging ang mga pangunahing bilihin ang sakop nito.
Ibig sabihin, hindi maaapektuhan ang halaga ng prime commodities gaya ng harina, canned goods, plywood, mga gamot na hindi itinuturing essential ng health department, fertilizers, sibuyas, bawang at iba pa.
