Tila wala nang plano pang magbalik-showbiz si Donna Cruz-Larrazabal.
Gayunman isang bagay ang maaari raw makapagpabago sa desisyon ni Donna para mag-artistang muli.
Inamin ni Donna na ang remake lamang ng Do Re Mi na blockbuster movie nila nina Regine Velasquez at Mikee Cojuangco ang makapagpapabalik sa kaniya sa mundo ng pelikula.
Magugunitang 1996 nang ipalabas ang Do Re Mi at nagkaroon ng reunion sina Donna, Regine at Mikee sa 30th anniversary concert ng Asia’s Songbird.
Sinabi ni Donna na naaalala niyang parang hindi sila nagtatrabaho sa kanilang shooting sa nasabing movie at nag-enjoy talaga silang magkakasama.
Si Donna ay masayang namumuhay sa Cebu kasama ang asawang si Dr. Yong Larrazabal at mga anak.
—-
