Isang donation drive ang binuo ng Philippine National Police o PNP para sa mga apektado ng tumamang malalakas na lindol sa Mindanao Region.
Hinimok ni PNP OIC Lt. General Archie Gamboa ang mga pulis na boluntaryong magbigay ng sampung piso pataas bilang donasyon para sa mga biktima ng lindol.
Ipinabatid ni Gamboa na 77 mga pulis ang naapektuhan ng lindol sa Region 12.
Kasabay nito, inihayag ni Gamboa na inaalam na rin nila kung ilang pasilidad ng PNP ang nasira sa mga naturang pagyanig. — ulat mula kay Jaymark Dagala (Patrol 9)
