Pormal nang hiniling ng Department of Justice o DOJ sa Manila RTC na ideklarang teroristang organisasyon ang Communist Party of the Philippines-New People’s Army o CPP-NPA.
Nakapaloob din sa inihaing petisyon ni Senior State Prosecutor Peter Ong na ideklarang terorista ang mga kilalang lider ng CPP-NPA.
Ayon kay Ong, ang inihain nilang petisyon ay nakabase sa mga probisyon ng Human Security Act.
Matatandaan na idineklarang terorista ng grupo ng Pangulong Rodrigo Duterte ang CPP-NPA noong Disyembre.
Gayunman, sa ilalim ng batas, ang deklarasyon ay kailangang aprubahan ng korte.
—-
