Kinilala ng Department of Health (DOH) ang Parañaque City matapos malampasan ng lungsod ang target na bilang ng mga kabataan sa programang Chikiting Bakunation ng gobyerno.
Dahil dito, pinasalamatan naman ng lokal na pamahalaan si DOH Regional Director Gloria Balboa sa pagbibigay ng Certificate of Recognition sa lungsod.
Umabot sa 102% ang bilang ng mga napagkalooban ng bakuna ng lokal na pamahalaan na mula 0 hanggang 23 months old.
Ang bilang ng mga batang napagkalooban ng bakuna sa lungsod ay nalampasan ang 95% na target ng doh mula nang ilunsad ng ahensya ang programang chikiting bakunation noong May 30.
Layunin ng naturang programa ay mabigyan ng proteksyon ang mga kabataan laban sa iba’t-ibang uri ng sakit.