Isinusulong sa Kamara ang panukalang batas na layong magkaroon ng regulasyon sa distribusyon ng mga tabloid na may ‘sekswal’ na mga istorya at larawan.
Sa ilalim ng House Bill No. 4733, magiging para na lamang sa mga matatanda o edad 18 pataas ang nasabing klase ng tabloid.
Ayon kay Quezon City Rep. Precious Hipolito Castelo, dapat na ituring na “pornographic o x-rated” ang mga nasabing tabloid na may mga sekswal na larawan.
Dagdag pa ni Castelo, makakatulong ito para mailayo ang mga kabataan sa pornograpiya.