Tiniyak ni Senate President Koko Pimentel na makapagpapalabas na ang senado ng desisyon hinggil sa usapin ng Baranggay at SK o Sangguniang Kabataan Elections sa Agosto.
Ito ay kasunod na rin ng panawagan ng COMELEC o Commission on Elections na agaran nang magpasya ang kongreso kung itutuloy o muling ipagpapaliban ang Barangay at SK Elections sa Oktubre.
Gayunman, sinabi ni Pimentel na nais ng senado na maunang umaksyon at mag-pasya sa nasabing usapin ang Kamara.
Matatandaang ilang senador na ang nagpahayag ng kanilang pagtutol sa muling pagpapaliban ng Baranggay at SK Elections.
By Krista De Dios | With Report from Cely Bueno
